Saduktikarṇāmṛta 971

दुःखानि तिष्ठत चिरं मम चित्तभूमौ
युष्माकमेव वसतिर्विधिना कृतेयम् ।
यद्दैवदुर्विलसितक्रकचप्रहारै-
श्छिन्नोऽपि न त्रुटति जीवनतत्वबन्धः ।। (कस्यापि)

Saduktikarṇāmṛta 929

संगमविरहविकल्पे वरमिह विरहो न संगमस्तस्याः ।
संगे सैव तथैका त्रिभुवनमपि तन्मयं विरहे ।। (धर्मकीर्तेः)

Saduktikarṇāmṛta 2255

दिग्विभ्रमं दशनखण्डनम् अङ्गभङ्ग-

       केशग्रहं रतिविधौ मदनादरं च ।

श्वासप्रकम्पजडभावसुघूर्णितानि

       धत्ते जरा प्रणयिनीव मयोपगूढा ।।